(آد )

یئنده  باشلاناجاق  آددان  اوتور  ائوده   داوا                             

آدا  باخ    « شربت  علی  شلقمی شنگیل آوا»

یینه بیچاره  کیشی  دانلاغین  آتدا    قالاجاق                             

گلجکدیر باشینا ایش بئله گر گئت سه   هاوا

قاش قاباقلار گینه ده ساللاناجاق یئر سوپوره                      

سانکی  در گزلری   ائوده چکه جک لر  بیلووا

ائله   ائوده  قوپاجاق   فیرتانا   دیزلر  اسجک                        

گئده جک گاه گویه باشماق تایی گاهدانداتاوا

گینه آرودا وئرجک گیر یازیقا وای ده ده وای              

گینه  بیچاره کیشی  هی چک جکدیر  خیناوا

بو نه  آددیرقویوب  آخرسنه رحمتیک آتان                              

آد  دیب لر  دیمیب لر کی  یئکه بیر  کلاوا

سوروشور کیم آدوی تا دئیره م شربت علی                                

بوزوشور  دیل  دوداغی  سویلیر  اولده آوا

آدهله هیچ دئه گوروم  شهرتووی کیم یارادیب                             

آخی   شهرتده  اولا ر   شلقمی شنگیل آوا؟

کیشی دور گئت صابا ثبت احوالا دولدور فیشیوی          

آدوی تئز چئور ائت ائل دایاغی محمد اوا

*****

آز منی دانلا خانم دنیانی  تنگ ائتمه منه                        

مرده شیرلر گوروم او جسموی بوکسون کفنه

سن خوروسان دئه گوروم دیقه باشی بانلایئسان              

منه  رحمتیک  آتام  هرنه قویوب آد،  سنه نه

یانی هر ائیش دوزه لیب بیر قالیب ایندی آد ایشی             

بو قدر وئرمه گینن گیرآدیما وورما چنه

آدیم اولسیدی اگر جکسون اولاردون راضی                  

 پئش گلردون اونوسن دیقه باشی هر گلنه

ائله آدلار تاپلیپ ایندی اشیت گل کف ائله                    

آدون اوغلان ندی؟ اسمیت دی! سمیت دی !نمنه!

من نه پسوندینی سیللم  نه چئویرم آدیمی                                  

منه چمخیرما بکار وخدیوی گئت چیتدا دنه

***

دلم گرفته ز  خانه  کجائی  ای مادر

که خانه بی توندارد صفائی ای مادر

چنان   به  دیدن  روی  تو  آرزومندم

خدا کند  که  بخوابم  بیائی ای مادر

عاقبت درشامگاه روز یکشنبه مورخه۲۶/۰۷/۸۹قلب

 نازنین مادرم آن کانون مهرومحبت ازطپیدن بازایستاد

وبه خواب ابدی فرو رفت ومارادراندوه جاودانه فراق گرفتارکرد 

-----------------

بو گونلر یامان گونلردیر بوتون دونیادا وار یوخوم گوز گوره تی الیمده ن گئتدی  ائله بیلیم بیر یوخویموش

هئچ یو خوموش آمما یوخ بوتون چاغلاریمدا یاشائیرآنا

------------

دئمه دین دردینی بیر کیمسیه     حورمتلی آنا  

           سرگوذه شتین نه یامان اولدو موصیبتلی آنا

نه قه ده ر کونلونه داغ دئیدی دایاندین او قه ده ر 

            چوکدو  داغلار  دیزه قارشیندا  شهامتلی آنا

---------------------------

وبلاگ دیگرم با غزلی بروز است

http://shohodi.blogfa.com/

 ائشیتدیگی سوزلر

هی دئیرسن اوره گیم سنده ن اوتور بیر تیکه دیر

http://shohodi.blogfa.com/

ضروری است

از جمله  اموری که به داماد ضروری است   

1- پیروی  از شیوه ی اجدادضروری  است

یعنی  که  نبیند  رخ  دلداده ی     خود     را   

 2- داشتن   خانه ی    آباد   ضروری است

3- از    پدر   و   مادر   خود         یاد     نیارد          

 پرونده ی خودرا برد از یاد  ضروری  است

از قصه ی    داماد   گذر   کن     قلم    من   

 بنویس سر سطر که انشاد  ضروری است

تا  اینکه  در   آینده   خشن       بار     بیاید      

فریاد  زدن  بر  سر  اولاد    ضروری  است

از بهر    زنی    کوهکنی      می کند     الحق      

صد  ضربه به  این  کله ی  فرهاد ضروری است

گه سرد   و گهی گرم وگهی تند  و    گهی   نرم  

در  دوره ی ما  وحدت  اضداد    ضروری    است

یک  لحظه  نشو    غافل   از آموختن   ای    مرد   

 قوی هر کوپه قیرپ اینسانا هر زاد ضروری است

تا که نکند هر چه دلش خواست  در این ملک   

 بالای  سر   اهل  دل    ارشا د    ضروری   است

در   زندگیش    می   زند   آنگونه  بشر    گند   

زانروست   که   پوشاندن  اجساد ضروری است

یک   روز  شود   منفجر  این  مخزن  بنزین

 این  نکته   که  اوهم شودآزادضروری است

آنجا که سرو وضع تواز بنیه  خراب است    

آویختن  از   دامن  بنیاد    ضروری است

در  روده  و  در  غبغب  از    نوع   مخالف      

 گهگاه  عزیز  دل  من  باد  ضروری است

وقتی  که  در   آمد  پدر    حادثه       دیده    

از  بهر  خدا  هم شده امداد ضروری است

دیروز  مدیر  عامل  دانشکده   می گفت     

فهمیده ام امروز که استاد ضروری است

المنته  لله  که  نمردیم     و       شنید  یم     

گفتند کمی موسیقی شاد ضروری است

در مملکت ما که بحق کثرت شغل  است  

ده شغله شدن نیز به  اوتاد ضروری است

می گفت رئیسی دو شب پیش که  پیک نیک   

وقتی  که  شود   وضع شما حاد ضروری است

تا   باز     نمایی      دهن      منتقد ین       را   

در شعر تو  هم یک دو سه ایراد ضروری است

شنبه 3/11/88تبریز

زلزله

صبر    ائله   ال   ساخلا  دایا ن زلزله

ائتمه   منیم     باغریمی   قان   زلزله

***

سن  او  زامان   سیلکه له یرسن یئری

کی- نا شوکورلوک ائده بیرده ن  بیری

هاممی موسلماندی کیمین  وار  گیری

شوکر  اولا  یوخ   یولدان  آزان  زلزله

صبر    ائله   ال   ساخلا   دایا ن  زلزله

****

بیزده ن   اوزاقدیر    بیلیسن   مونکرات

بیز وئره ریک  هر شئیه خومس و ذکات

آتدیم  آتیب     گئتمگه  ده     ما   لیات

تاپ   اوزونه    آیری    مکان      زلزله

صبر    ائله   ال   ساخلا   دایا ن  زلزله

***

بیز   گئجه      ائوده    قیلاریق      نافیله

مسجید اوزون گورمه ریک ایلده ن ایله

بیز  توکه ریک   دریا یا  خا لیق      بیله

چایلارا      فاضلا  بدی      روان    زلزله

صبر    ائله   ال   ساخلا     دایا ن  زلزله

***

ساغ ندی آی سول ندی   چیخماز  باشیم

آی   منه  نه  دگدی     یئره    یولداشیم

دونیادا   وار  یوخ - بو اوچوخ  دامداشیم

نیلییه   ره   م      اولسا      وئران زلزله

صبر    ائله   ال   ساخلا   دایا ن   زلزله

***

گلدی    دیله   زلزله     ائتدی   فغان

سسلدی  آی  بی  حیا  شرم  ائت اوتان

خلقی    منه   ایلمه    چوخ    بد  گومان

ائتمه    منی   گونده    خوخان      زلزله

صبر    ائله   ال   ساخلا   دایا ن   زلزله

***

گونده    منی  یاد    ائلییرسیز   داداش

سیز  منی  ایجاد    ائله ییرسیز داداش

***

سیز کی بوگون بوردا صاباح قومداسیز

قاهیر ه   ده    آنکارا   دا     رومداسیز

سازدی کئفیز خوشه ی   سو ومداسیز

سیز   نیه   فریاد   ائلییرسیز   دا داش

سیز  منی  ایجاد    ائله ییرسیز داداش

***

هئی وئریسیز موبلولارین اوسته لم

هئی   منی  دعوت    ائلییرسیز گلم

هئچ ماجالیم یوخدو بیر آز دینجلم

سیز  منی   معتاد  ائلیر سیز  داداش

سیز   نیه   فریاد   ائلییرسیز   دا داش

***

من بو گوی آلتیندادئه کیمنده ن کمم

منده  گره ک  نیرومو  آزاد    ائده م

سیز کی وورورسیز بیزه هر جورقلم

هر زادی   آزاد   ائلییرسیز   داداش

سیز   نیه   فریاد   ائلییرسیز   دا داش

شهودی- 13بهمن سال 1388همزمان با زلزله های پی در پی بستان آباد

  وبلاگ شعرهای جدی من بروز شد

http://shohodi.blogfa.com/

نه اولار تر ک  ائلییه میللت ایران جیجی یی                جئجیمین یئرتیب آتا کوللویه دامدان جیجی یی

****

جیجی ایله  بئچارا !! قلبینی   گل قینجیرتما                  هیس یئییب کونده کیمی باش قولاغیندان قیرتما

میندیریب  پیسرینه یئرتما اوزون  سیرتیتما                  چیپ یئره قوی آیاق آلتیندا وئره جان جیجی یی

****

نوحه خوان نوحه خوانین ضیرنا چالان تارچالانین        جیجی یین چکمه ده دیر گونده گلین قینانانین

با جانا قلار دا   بیلیر سیز قا شییر لار هایانین             اونادا  ائل  آراسیندا   دئییلر   یان   جیجی یی

****

ایسته دی قارقا گئده قاز یئریشی باسدی گازا              جرجنه   دوشدو   جیریلدی   پاچاسی  قالدی جازا

بو جیجیه چوخلارینی وئردی آخیردا گودازا              آی  گوروم  محو ائله سین گردیشی دوران جیجی یی

****

هرکیمین کی الی بیر آزجا چاتیر آغزینا باخ               بوزولور  طایفا   ایچینده   اونا قیرخ   الی دوداخ

ایها الناس!! گلین ایری  اوتوراق  دوز دانیشاخ           اوره گینده یئری وار بسلییه اینسان جیجی یی!!

****

فرمانین هیدرولیک ائتمیربیری، مین بیر جوره سوز       دالیسیجان یاییلیرسوزنئجه سوزگل سوزه دوز

چکیلیر نم نئچه جوت قاش  بره لیر نم  نئچه گوز         گوینه دیر خالقین ایچین بوردادا فرمان جیجی یی

****

گوروسن بیر نفرین صورتی وار میثلی سونا              بنداولوربیر چئری ، چیرکین گئجه به گوندوز اونا

بنذه ییر صور صوفتی لاپ  آمازون میمونونا               یاندیریر  بیر کوتوگو  سرو خورامان جیجی یی

****

بو چوخوردان بری گز قاوزاما بوردا  سسینی             بوردا بیر عیدده  قیلیجلار آدامین کولگه سینی

ائله بیر یئردی کی بوردا تانیماز ایت یئه سینی           بستانی     ائلییر    آخیرده     بیابان    جیجی یی

****

بیر نفر شاعیریمیز واردیر  الینده ن  بئزارام           منه  هر گون دئیری  قبرینی بیر  گون   قازارام

سن غزل یازسان   ایه ر منده قصیده یازارام           چون گلیر یازدیغیم اشعاره  دوغوردان جیجی یی

شعر شهودی ۱۵/۱۰/۱۳۸۸

دیریلریله اولولرین دئیشمه سی

دیریلر اولولره خطاب دئیر:

توپراغی   ایله میسیز   اوستوزه   یورقان  اولولر        نه  آغیر بیر یوخویا   جومموسیز  آسان  اولولر

دورماسیز    بو   یوخودان   بمب   اتم  پاتلاسادا           دونیا  باشدان  دیبه  جن اولسادا  ویران  اولولر

دارتیلیر سورسوموگو اون کیمی یولدان یئته نین         نه  سالیب  لار  یولا  بو  چولده  دئیرمان  اولولر

لنگ اولوب رخشی بوخاندا داغیلیبدیر   توفاغی            لونگ  آتیب  بوردا  یئره روستم دستان  اولولر

نه  توکانلار  آچیلیب  بوردا  سیزین    سایئزده            ساتیلیر گونده  بئش اون مین کیسه سیمان اولولر

قبیره  باسماق  همی  جسمیزی  حالدان گئدیریک          قورخوموزدان   توتوروق  شام   غریبان  اولولر

بورج آلیب نم نئچه یوز ال تپه میزده ن دویوروک        دئیریک  جان  اولولر  جان   سیزه قوربان اولولر

خاطیریز  گورنه  عزیزدیر   کی  سیزین  ختمیزده         دام  دوواردان  توکولور  یوز جوره اعلان اولولر

نئچه   باغ   گول  گتیریبلر  باخیسان مسجیده سن          بیر  یانی   گولخانا دیر بیر  یانی   بستان اولولر

سالمیشیق  مددی  ایاقدان  زبری  پوشله میشیک       عرشه  خوانلار  اوخویور آخ نئجه قورآن اولولر

سیزی  بیر  یول  قبیر  اوولده سیخیب تیخچالاسا         بیزی   مین   دفعه   سیخیر گردش دوران  اولولر

دوزولوب  لشگر قم  باغریمیزی  دلمگ اوئچون        گونده   قملرده  ن آلیر   گوزلریمیز   سان اولولر

هره  بیر  نوع  مرضیلیگ  له  اولوب  ال به یاخا        تاپا  بیلمیر  چوخ  آدام  دردینه   درمان  اولولر

نئجه  آرواد  کیشی  بیر  یئرده دی    قبریستاندا         قاریشیب  بیر بیر ینه  ایندی قیز اوغلان اولولر

بو  سیزین  دینمه مه ایزده  ائله   سوزلر   واردیر       ائشیده ن  اولسا اولار   دهریده      لقمان اولولر

یقین  ا فسوس  یئه یسیز  بعضی کئچن  گونلریزه       کی   نیه خشله مه دیز وئرمه دیز  احسان اولولر

قیمادیز  قوخدوز  الیزده ن  چیخا  پولسوزلایاسیز      ایندی سیزده ن  سورا ،هنگامه دی طوفان اولولر

آلاجاقدیر  قاپینین  سول  طره فین کئفلی( خودام)        کسه جکدیر ساغ الین  بئی کیمی( آخان )اولولر

سالاجاقلار  یولا  بیر  توک  داغیت  آللاه بیلیری        سیناجاق نم نئچه دست آبخوری ، فینجان  اولولر

دیده جکلر   تویوغو     دوشلویه  جکلر  دویونو      ایچه جکلر    کوکا هئچ  مین لئتیر   آیران  اولولر

اوزوزون  گووروز  هله هئچ  ده دوزون گوورونادا      بیر دیل آلتی قویاجاقلار مایا پو......دان اولولر

دوغرایاندا اتی خاخ  دوغرویاجاق سانجی سیزی       یئمه دیز  بیر نی شی جان دولما فیسینجان  اولولر

هی قبیرده ییه جکسیز هیس  ایچوز گوینویه جک     اولاجاقسیز   او چوخور    یئرده    هراسان اولولر

وار علاقه ز او قه ده ر  موسیقی   درمانی یه کی      سیزین  عشقیزده  اولوب هاممی غزلخوان اولولر

وار  روایت  کی  خرامان  دوراجاقسیز  یوخودان       چالسا  ایسرافیل  ایه ر  بیر  گئجه قارمان اولولر

خوش کئچیرسیزلره کی ایندی یه جن یوخدو بیری       اولمه گینده ن  اولا  بیر  لحظه  پشیمان   اولولر

نه دئیرسیز ده ده وای یوخدو پولوم دامداش آلام       نه  اولور  قلبیلریز    غصصه ده ن  القان  اولولر

نه    حکیمانه   سخنلر   یازیلیر   باش    داشوزا       ختم    ائدیرسیز  گئجه لر  اولما گولوستان اولولر

نه فه ده ن  توشموش  اوکوز تک باهالیق آلتیندا      خبریز   یوخ    نه    چکیر   ...................  اولولر

تلفونون قبضی سویون قبضی گازین قبضی گلیر       قبض  روح  ائیله   ییری  مردومی خافدان اولولر

بیر دفه جان  وئریب آسوده  اولوبسوز بیلیسیز!!         گونده مین یول  وئریری قونشولاریز جان اولولر

اولولردیریلره خطاب دئیر:

سیزده یوخدور نیه بس ذرره جه ویجدان دیریلر            آییلین     ایله مه این    بیر  بئله  عوصیان دیریلر

بیز سیزه نیلمیشیک  هی  دالیمیزجان سوکوسوز          دئیسیز       دیقه   باشیندا    بیزه   بوهتان دیریلر

ایه  بیر گون   قرار   اولسا   اولولر   دیلله نه لر           دیلیزی   سوخمالیسیز    قارنیزا   اوردان  دیریلر

سیزده بیر گون اولجک سیزاولاجاقسیز بیزه تای          ائده جکسیز   بیزه  تای  توپراغی  یورقان دیریلر

عزرائیل بیرگئجه خیرتده ک لییه جکدیرسیزی ده          چکه جک  قوملا   دولان   کللوزا سوهان دیریلر

اوگلنده  بیلییار  کورپه  اوشاق  تک   بله  یین             کافیر  اینسان  هله  هئچ  بلکه   موسلمان دیریلر

توشه جکدیر  یولوز  البته  کی  تئز   گئج  بویانا           قویاجاقسیز    بو  چوخور  یئرده   یئره یان دیریلر

عه غه ربلر   ائله   گیر چیخ سالاجاقلار یولا کی          اولاجاقدیر     بدنیز     جادده ی   کیرمان دیریلر

نه چکیر سیز چکین آ! اولسه ز الیزده ن چیخاجاق        بوردا  یوخدور  نفسی  چکمگه    ایمکان  دیریلر

بئله فیکرایله مه یین کی گونشین کاف فه سی دیر           گله سیز    اویناداسیز    بوردادا    فینجان دیریلر

کئح قیچی صاف قیچیزین اوستونه تئز تئز آشیریب         گرنشیب  چاغلایاسیز   توستولو   قلیان   دیریلر

بورا پاسگاه ده ییلی روشوه وئریب رد  اولاسیز            بو  درین   دخمه ده     انکیردی  نیگهبان  دیریلر

نه قبول  ائلییر او  سوفته  نه  چک نه    تیراوئل           او خیانت    ائله مز    خالیقه    بیر   آن   دیریلر

ائله  سورتر  آدامین   انگینی   او     توپراغاکی           کوره گین گوم گوی ائده راوردونو باردان دیریلر

سیزلرین  بعضی سی   قبریستانا  بیر موددا  گلیر          اونو   شورگوز  اولولرگورسه   تاپار جان دیریلر

یازیغین   کوینگی    ایللردی   کی   اللرده  گزیر           عومه ریزده ن  نه  چکیربیلمیره م عثمان دیریلر

نیه بس  هئچ  یوسوفون  کوینگینی  خوشلامادیز          اونو  تیکمیشدی  مگر   اوزگه بیر اینسان دیریلر

یارادان  گونده،  ائدیبدیر  هامی نین   فیکرینی  او         بیزه   پی کن    یارادیبدیر    سیزه   پیکان دیریلر

هر نئی ایمیز واریدی قالدی سیزین تک    میراثا           یئدیز  ائتدیز    دالی میزجان غریب احسان دیریلر

نه اولومده ن   چکینیر  سیز نه گلیر سیز اوزوز ه        قالمیشیق    بیز   سیزین  اعمالیزا   حیران  دیریلر

اصلی شیطا ن هله هئچ گور نه یامان سوقت سیز        جور له ییب سیز   اوزوزه بیر ده لی شیطان دیریلر

سیز ائله بیرجنه وار سیز کی تائیز یوخدو سیزین           سیز ماحالدیر ائده سیز کئچمیشی جوبرا ن دیریلر

داغدا   تاپپیلدامادیز    چایدا دا     شاققیلدامائین            اوبادا   فرمان   اولون    کتده      سلیمان  دیریلر

بوقولاقدان   آلیب   آتدیز  او    قولاقدان قیراغا              نه قه ده ر  آیه  گتیردی   سیزه    قورآن  دیریلر

مسجیدین    آستاناسیندا   اوزوزو   سیلکه له دیز           میجوووردا  سوپوروب  سالدی نه طوفان دیریلر

صالحین کیم دوه سین خیخلادی تیرره تدی یئره                یازیغین   قلبی  یاتیب    گوتدو   اونو قان دیریلر

بیزده وار تختی کیمین نر کیشی لر سیزده نه وار           یا     جا..... نعره   اولوبسیز  یا   ع....شان  دیریلر

اولو بوندان  قدیمین کیدی    یوخیدی  بو   نئی                بوتون    اعضاسی  پیتو   هر  شئی   میزان دیریلر

ایندی اما گوروسن چوخ شئی یوخدور اولونون            یوخدو صاف  صوللو   اولن  بیر  نفر الان دیریلر

یا  ماشین   آتدا  قالیبدیر  یادا  اوددا   اوتولوب            باش  قولاغلی   اولو  اولموربیزه   مهمان  دیریلر

آزقالیر   سیز  ییه  سیز بیر بیریزی  پست  اوسته        عطشیز   وار  وئره  سیز  هاممییا    فرمان دیریلر

بیر  نفر  یوخدو کی یونگول گله های کوی دایانا          هاممی  ماششاللا  گلیر   نم  نئچه باتمان  دیریلر

خبریز  یوخدو  اوزوزده ن  نه   گلیبدیر    باشیزا         یازساق   اشعاریز  اولار نم نئچه   دیوان   دیریلر

شهودی تبریز23/6/88

وبلاگ شعرهای جدی من نیزبا شعر دستهای زیبا بروز شد

http://www.shohodi.blogfa.com/

 شهودی تبریز21/5/88

مین یول دئمه دیم من سنه اوغلان ته که لنمه

 فیکر ایله مه کی اولموسان اصلان ته که لنمه

وورما سورونو بیر بیرینه ائتمه هارای داد

گل بیر اوزونه ایله مه عوصیا ن ته که لنمه

هی بوینوزونو هر گله نین بویرونه سوخما

هر بیر سوزه آخدیر ماگیلان قان ته که لنمه

آخیر بو گوزه للیگ سنه ده قالمایاجاقدیر

سالما توزاناخ گوزله ره قوربان ته که لنمه

هر پستادا چاتسان اوزونو پوسته ده ن آزبیل

اولساندا ایه ر رستم دستان ته که لنمه

ساخلا ایکی یئرده اوزونوچیخما اوزونده ن

دئینه سنه لعنت ده لی شیطان ته که لنمه

بیر یول آج....ان واختیدا بیر ده گی....نده

یعنی بو ایکی یئرده دایان یان ته که لنمه

بوغدا بازاریندا اوزونو گورمه گینن چوخ

ایچسنده ایه ر بیر قارین آیران ته که لنمه

خورجون

یاشاماق  اولموری  دای  شهری چکیبلر گنده   

اوره گیمده ن ساووشور  کاش  قاییدیدیم کنده

غذاسیندان نه یازیم من  نه دادی وار نه دوزو   

ضرری وار  بولابول  چربی یه   قلبه   قنده

آزیی ینده  اریییرجسمون  اولور چون قله مه    

چوخ  یی ینده  اولوسان  نم نئچه   کوهراانده

گوتورور آفتافا اعصابه بو دینسیز  تیرافیک      

میللتین  قوورا  چکیرعمرونه  تورموز دنده

بعضی راننده لرین  ذره جه  یوخ    اینصافی     

گوروسن   یوز  سوره تیلن   تپیلیر  در بنده

نه کی دوسلوقلارینین واردی عمللی  داوامی      

نئجه بیرده ن اولوری دوست اوتوروربیرده نده

یاشاسین کتده کی دوستوم حاج علی اشرفی نی

بیر  کسرلی    قلمی  وار سسی  تک   کوبنده

آی منیم  قارداشیم آی اولکه میزین تاج سری 

نه   یازیم   من   اولا    شانینده  سنین زیبنده

سن کی شرمنده ائدیرسن بو قه ده ر دوسلارینی

گوروم   آللاه   ائله سین    دوشمانینی   شرمنده

بو  نئچه   یوز  پارا کتده سنه تای یوخدو یازان

دئمه گ  اولماز   نیه   کی  هر  بیله نه    داننده

توکولر  قطعه - قصیده   یئره  تور توز یئرینه

گئجه  یورقون   قلمون     پالتارینی    سیلکنده

بو گوزه ل شئعری لری بس نیه چاپ ایله میسیز

غیضی ده نده   گیلییم   واردی    منیم  سنده نده

چوخ سوزوم وارسیزه سوزده ن گئچیره م عفوائلیین

رشته ی  مطلبی    یو خسا   ایتیره ر   خواننده

هامیمیز   بیر   اویونون  اوینایانی  بللی  ده ییر     

کیم    برنده    اولاجاقدیر   هله   کیم    بازنده

من سنه  بورت  قویورام  سن منه دوراندا بیزه 

آی  کول  اولسون  بو  ده به بو رویشه بو فنده

ظاهیری  امره  باخیرسان  نه گوزه لدیر آرامیز     

نه  منیم  سنده  گوزوم  وار  نه   سنوندا  منده

آمما  گیزلینده  منیم  بهره مه  گوز  زیلله  میسن     

  نئجه  سهم   آختاریرام   منده   سنین   بهره نده

ال له شیر باسدیرا هی تیخدی او زهری ماری  

وورور  آمما  اشیگه  پیس  ایی سی  گئره نده

دوز یولا خشله مه گه تک قیرانون یوخدو سنین      

ایری  یولدا  گئنه بول  پول وئریره م من گونده

گلون      ایشلرده  اولاق( خیر الامور او سطها )   

نه او  دارلیقدا  قشه دیر  نه ده  کی  بو   گئنده

هر کسه  اوز ایشی  محشرده شیکایت ائده جک  

قاضی ده ن یازدیغی احکامی شاطیردان کونده

جانا  گلدیم  بو  پل  کابلی  دئمه گده ن نه اولار 

ایر پالیقدان  سوز  آچاق ختم ائلییه گ اورکنده

زلفعلی نین  من   اوزوم  یازمیشام  احوالاتین   

آوارا    گور   دولانیر  ایندی  ده   راه آهن ده

اونا  لاغ  ایلدیم  اولدوم اوزوم  اوندان  دا بتر   

( بیرینه    گولمه  گلراوز  باشینا )     عیننده

قویماییر  تر په نم  اصلن  بو   آمانسیز  گونلر    

بوینوما    زنجیر    اولوبدور   آیاغیمدا  کونده

ایندی    کتلرده   گومان ایله مه    یوخ ایمکانات 

  بولدوزر  وار  گیرادر   واردی   لودر پی کنده

ایندی کومباین ده ریب  طی لیری  دننن  سامانی   

 نیازی  یوخد و  داها   وه ل  سوره سن  خرمنده

دای اوخیرخیملی دو شکلرده ن اثریوخ دوشه نیب

تختخوابلارکی   وار اوستونده     نئچه    کوسنده

واردی   دوربین   مداربسته     بوگون    کتلر ده    

ایلییه ر  باغدان    ائوه   عشقعلی     پخش  زنده

ایندی  نه  شلته تومان واردی  نه انلیک کیریشان  

ایندی  ویدانی   به یه نمیر  آلا   گوز    رخشنده

اولاغا  یوک  داشیدان یوخدی خره ک خورجوندا  

قبله لی   ایندی   گئد یر   داغ    باشینا     پاز نده

کندیمیزده ن  نه یازیم  من  سیزه  کئفله نمییه سیز 

بیر  صفالی  هاواسی  وار  تایی  یوخ   لنده  نده

وار سه نه ح لر کی سویی تصفیه ایله ر دورودار  

او  سرینلیده   سویی    تاپماق   اولار   کو لمنده!

بیز  اینانمیشدیق   اوشاقلیقدا  ایلان  چالماز اونی    

ایلانین  کیم  قابیغین  گیزله ده  اوز   بور کونده

بو بیلیرسن یتیریر هئچ نئی صاف ساده لی یی 

اوصداقت   کی   گئدیر  کم  کم  اولا   شرمنده

اوندا طویلاردااولاردی بیرعاشیق بیر درویش

ایندی ماششالاه اولوب هر  یئتیشه ن  خواننده 

ایندی هر دیقه من  اول گونلره حسرت یییره م  

 ائله گونلره کی گوره نمز گوزوموز عمره نده      

آختاریب  هی  تاپیرام   منده    اوشاقلیقلاریمی   

بیر مثل   واردی   کی  جوینده    اولار  یابنده

ایندی بیرزادکی بویون واردی صاباح اولمایاجاق

چوخ زادی گورمه دییم فرض ائت ایه ر گورسنده

چوخ زامان چکمه زاولارکنده شهرده ن داشینان  

بو  سوزومنده ن   ائشیت   ثابیت   ائده ر  آینده

شعر: شهودی تبریز14/2/88

سوزلوک

بولابول: چوخ

قله مه: آغ رنگده نازیک اوزون آغاج

کوهرا: گوی رنگیده یوغون آغاج

قوورا: سومبادا. سوهان

تپیلمه گ: بیرده ن بیره بیر یئره گیر مه گ

پارا: قسمت .بولوم

گیزلین:باسدیریلی. پنهانی

زیلله مگ: توم باخماق چشم دوختن

تیخماق: یئمه گ. زهه ر لنمگ

گئیرمه گ: آروغ کشیدن

گئن :انلی .  گشاد

کونده: خمیر یوموروسو. چانه

ایر پالیق .اورکه ن :ایپ آدیدیلارخلورچاتاندااولاغا ایشله نر

آوارا گور: سفیل سرگردان

لاغ: سریمه گ

کونده: بیر بند آدی دیرزیندانین  آیاغینا باغلارلار

وه ل: هولا . خرمنکوب

خیرخیم: قیرخیم. فرشین اوزده ن قیرخیلان خامالاری

کوسه ن: مبل اوستونده کی خیردا بالیش

شلته تومان : قدیم قادین لارین بزه لی اوست گئییمی

انلیک کیریشان: قادین لارین قدیم به زه مه گ وسایلی

خره ک: دمیرده ن دوزه لن قاب داش داشیماق اوچون

خورجون: بویلوقدان توخونموش شی شور قابی آت اولاغ اوستونده

سه نه ح: کوزه . بیزه ح

کولمه ن: سو قابی

Sms

بیلمیره م   گلدی   بیزیم  اولکویه    هاردان Sms

هی  وورور  بیر بیرینه  گونده  قیز اوغلان Sms 

یوز گیره م گوشی یه باخ گورنه اویوندان چیخیری

منه  بو   آی دا   گلیب    نم  نئچه    باتمان Sms    

منی ( مرجان ) ده ييشيگ سالمیشیدی  (پژمانیلان)

بیر ساعات گئچمه دی ووردی منه دوخسان Sms 

هانسی  مسئول  کی قویور آزجا( بارا) فوری صاباح 

دالیسیجان   یاییلیر     اللی   بئش   عنوان  Sms  

شکی شوبهه  گوتوروبدور منی گاهدان   دئییره م

ووروری     اولما    مسلمانلارا      شیطان Sms

(اوره گیم سنده ن اوتوربیرتیکه دیرجان  بسره م)

بونی (سولطان علی) یه یوللادی )سولطان) Sms

(گه لیسن ! یا اوزومو  دامدان  آتیم    کرمه لیگه(

بونی دا  ( شاه صنمه )  یوللادی(  سلمان)  Sms

بیر  نفر  وار   تانیرام  اه  ده د و و نجه    یانا سان

آد  قویوب   هاممی   اونا  شهریده  (لینچان) Sms

ایشی   داییم   Smsدیر    گو جو    داییم mms ) )

هی   یازیر   خلقه   سحر  آخشام   اوباشدان Sms

وئرقینون وورسین اه ده بسدی داغیلسین  توفاغون

گوروم (ms )توتا سان  هی   داغیدیر سان   Sms

خبریم  واردی  وئریب   چوخلارین  آخیر  گودازا

خبریم واردی  ائدیب   چوخ  ائوی   ویران Sms

****

ایندی  بیر ( ره لی)  سی میدانه گلیبدیر کی اونا

اللری   سینه ده   سویلر  ( بلی قوربان)  Sms

اونا  (خط) اهلی دییر ائل ده( دمیر)خان (بولوتوث)

اکیلر گورجه ک  اونی (جین) کیمی دالدان Sms

*****

دوتدی هرکیم  سنی   آتدی (صله یه   ارحامی)

یئره   گلسین گوروم آخیرسنین آرخان  Sms

بورخولیدی توپوغون کاش سه ریلیدین یئره سن

کاش سینیدی یئخیلان یئرده قابیر قان Sms

یوخ غلط سویلدیم اصلن گوناهین یوخدی سنین

کوسمه  منده ن   یوزونی  ایلمه پنهان  Sms

اوز یئرینده سنی ایشله تمه یی اورگه شمه میشیک

اولموشوق ایندی آیاقدان باشا پشمان     Sms

گره ک (الگوی مصاریف لری اصلاح) الییه ک

یوخسا قاللیق دالی بو دهریده هر آن   Sms

هر شئیین بیز( شورون) اوولده چیخاردیب یی یه ریک

گلمیشیک( پیس بارا) بیز میللتی ایران Sms

سولطان: اسم زن است

کرمه لیگ: محلی در روستاکه فضولات دامی را در آنجا می ریزند

                                           شعر:شهودی2/1/88