دیریلریله اولولرین دئیشمه سی

دیریلر اولولره خطاب دئیر:

توپراغی   ایله میسیز   اوستوزه   یورقان  اولولر

نه  آغیر بیر یوخویا   جومموسیز  آسان  اولولر

دورماسیز    بو   یوخودان   بمب   اتم  پاتلاسادا

دونیا  باشدان  دیبه  جن اولسادا  ویران  اولولر

دارتیلیر سورسوموگو اون کیمی یولدان یئته نین

نه  سالیب  لار  یولا  بو  چولده  دئیرمان  اولولر

لنگ اولوب رخشی بوخاندا داغیلیبدیرتوفاغی

لونگ  آتیب  بوردا  یئره روستم دستان  اولولر

نه  توکانلار  آچیلیب بوردا سیزین سایزده

ساتیلیر گونده  بئش اون مین کیسه سیمان اولولر

قبیره  باسماق  همی  جسمیزی  حالدان گئدیریک

قورخوموزدان   توتوروق  شام   غریبان  اولولر

بورج آلیب نم نئچه یوز ال تپه میزده ن دویوروک

دئیریک  جان  اولولر  جان   سیزه قوربان اولولر

خاطیریزگورنه عزیزدیرکی سیزین ختمیزده

دام  دوواردان  توکولور  یوز جوره اعلان اولولر

سالمیشیق  مددی  ایاقدان  زبری  پوشله میشیک

عرشه  خوانلار  اوخویور آخ نئجه قورآن اولولر

سیزی  بیر  یول  قبیر  اوولده سیخیب تیخچالاسا

بیزی   مین   دفعه   سیخیر گردش دوران  اولولر

بو  سیزین  دینمه مه ایزده  ائله   سوزلر   واردیر

ائشیده ن  اولسا اولار   دهریده      لقمان اولولر

نه دییرسیز ده ده وای یوخدو پولوم دامداش آلام

نه  اولور  قلبیلریز    غصصه ده ن  القان  اولولر

خوش کئچیرسیزلره کی ایندی یه جن یوخدو بیری

اولمه گینده ن  اولا  بیر  لحظه  پشیمان   اولولر

وار علاقه ز او قه ده ر  موسیقی   درمانی یه کی

سیزین  عشقیزده  اولوب هاممی غزلخوان اولولر

وار  روایت  کی  خرامان  دوراجاقسیز  یوخودان

چالسا  ایسرافیل  ایه ر  بیر  گئجه قارمان اولولر

نه    حکیمانه   سخنلر   یازیلیر   باش داشوزا

ختم    ائدیرسیز  گئجه لر  اولما گولوستان اولولر

تلفونون قبضی سویون قبضی گازین قبضی گلیر

قبض  روح  ائیله   ییری  مردومی خافدان اولولر

بیر دفه جان  وئریب آسوده  اولوبسوز بیلیسیز!!

گونده مین یول  وئریری قونشولاریز جان اولولر

اولولردیریلره خطاب دئیر:

سیزده یوخدور نیه بس ذرره جه ویجدان دیریلر

آییلین     ایله مه این    بیر  بئله  عوصیان دیریلر

بیز سیزه نیلمیشیک  هی  دالیمیزجان سوکوسوز

دئیسیز       دیقه   باشیندا    بیزه   بوهتان دیریلر

ایه  بیر گون   قرار   اولسا   اولولر   دیلله نه لر

دیلیزی   سوخمالیسیز    قارنیزا   اوردان  دیریلر

سیزده بیر گون اولجک سیزاولاجاقسیز بیزه تای

ائده جکسیز   بیزه  تای  توپراغی  یورقان دیریلر

توشه جکدیر  یولوز  البته  کی  تئز   گئج  بویانا

قویاجاقسیز    بو  چوخور  یئرده   یئره یان دیریلر

عه غه ربلر   ائله   گیر چیخ سالاجاقلار یولا کی

اولاجاقدیر     بدنیز     جادده ی   کیرمان دیریلر

نه چکیر سیز چکین آ! اولسه ز الیزده ن چیخاجاق

بوردا  یوخدور  نفسی  چکمگه    ایمکان  دیریلر

بئله فیکرایله مه یین کی گونشین کاف فه سی دیر  

  گله سیز    اویناداسیز    بوردادا    فینجان دیریلر

کئح قیچی صاف قیچیزین اوستونه تئز تئز آشیریب 

  گرنشیب  چاغلایاسیز   توستولو   قلیان   دیریلر

بورا پاس... ده ییری روشوه وئریب رد  اولاسیز    

  بو  درین   دخمه ده     انکیردی  نیگهبان  دیریلر

نه قبول  ائلییر او  سوفته  نه  چک نه    تیراوئل 

      او خیانت    ائله مز    خالیقه    بیر   آن   دیریلر

سیزلرین  بعضی سی  قبریستانا بیر  موددا گلیر

اونو   شورگوز  اولولرگورسه   تاپار جان دیریلر

یازیغین   کوینگی    ایللردی   کی   اللرده  گزیر 

       عومه ریزده ن  نه  چکیربیلمیره م عثمان دیریلر

نیه بس  هئچ  یوسوفون  کوینگینی  خوشلامادیز

اونو  تیکمیشدی  مگر   اوزگه بیر اینسان دیریلر

یارادان  گونده،  ائدیبدیر  هامی نین   فیکرینی  او  

  بیزه   پی کن    یارادیبدیر    سیزه   پیکان دیریلر

هر نئی ایمیز واریدی قالدی سیزین تک    میراثا   

   یئدیز  ائتدیز    دالی میزجان غریب احسان دیریلر

نه اولومده ن چکینیر  سیز نه گلیر سیز اوزوز ه  

    قالمیشیق    بیز   سیزین  اعمالیزا   حیران  دیریلر

اصلی شیطا ن هله هئچ گورنه یامان سوقتسیز

جور له ییب سیز   اوزوزه بیر ده لی شیطان دیریلر

سیز ائله بیرجنه وار سیز کی تائیز یوخدو سیزین

سیز ماحالدیر ائده سیز کئچمیشی جوبرا ن دیریلر

داغدا   تاپپیلدامادیز    چایدا دا     شاققیلدامائین 

     اوبادا   فرمان   اولون    کتده      سلیمان  دیریلر

بوقولاقدان   آلیب   آتدیز  او    قولاقدان قیراغا  

    نه قه ده ر  آیه  گتیردی   سیزه    قورآن  دیریلر

مسجیدین  کفش  کنینده  اوزوزو   سیلکه له دیز 

    میجوووردا  سوپوروب  سالدی نه طوفان دیریلر

صالحین کیم دوه سین خیخلادی تیرره تدی یئره   

   یازیغین   قلبی  یاتیب    گوتدو   اونو قان دیریلر

بیزده وارتختی کیمین نرکیشی لرسیزده نه وار

یاجاواد نع...  اولوبسیز  یا   علو...ان  دیریلر

اولوبوندان قدیمین کیدی یوخیدی بونئی

بوتون اعضاسی  پیتو   هر  شئی   میزان دیریلر

ایندی اما گوروسن چوخ شئی یوخدور اولونون   

    یوخدو صاف  صوللو   اولن  بیر  نفر الان دیریلر

یا  ماشین   آتدا  قالیبدیر  یادا  اوددا   اوتولوب

باش  قولاغلی   اولو  اولموربیزه   مهمان  دیریلر

آزقالیر   سیز  ییه  سیز بیر بیریزی  پست  اوسته

عطشیز   وار  وئره  سیز  هاممییا    فرمان دیریلر

بیر  نفر  یوخدو کی یونگول گله های کوی دایانا   

   هاممی  ماششاللا  گلیر   نم  نئچه باتمان  دیریلر

خبریز  یوخدو  اوزوزده ن  نه   گلیبدیر    باشیزا

یازساق   اشعاریز  اولار نم نئچه   دیوان   دیریلر

شهودی تبریز23/6/88

--------------------------------------------

وبلاگ شعرهای جدی من نیزبا شعر دستهای زیبا بروز شد

http://www.shohodi.blogfa.com/

 شهودی تبریز21/5/88

مین یول دئمه دیم من سنه اوغلان ته که لنمه

 فیکر ایله مه کی اولموسان اصلان ته که لنمه

وورما سورونو بیر بیرینه ائتمه هارای داد

گل بیر اوزونه ایله مه عوصیا ن ته که لنمه

هی بوینوزونو هر گله نین بویرونه سوخما

هر بیر سوزه آخدیر ماگیلان قان ته که لنمه

آخیر بو گوزه للیگ سنه ده قالمایاجاقدیر

سالما توزاناخ گوزله ره قوربان ته که لنمه

هر پستادا چاتسان اوزونو پوسته ده ن آزبیل

اولساندا ایه ر رستم دستان ته که لنمه

ساخلا ایکی یئرده اوزونوچیخما اوزونده ن

دئینه سنه لعنت ده لی شیطان ته که لنمه

بیر یول آج....ان واختیدا بیر ده گی....نده

یعنی بو ایکی یئرده دایان یان ته که لنمه

بوغدا بازاریندا اوزونو گورمه گینن چوخ

ایچسنده ایه ر بیر قارین آیران ته که لنمه

خورجون

یاشاماق  اولموری  دای  شهری چکیبلر گنده   

اوره گیمده ن ساووشور  کاش  قاییدیدیم کنده

غذاسیندان نه یازیم من  نه دادی وار نه دوزو   

ضرری وار  بولابول  چربی یه   قلبه   قنده

آزیی ینده  اریییرجسمون  اولور چون قله مه    

چوخ  یی ینده  اولوسان  نم نئچه   کوهراانده

گوتورور آفتافا اعصابه بو دینسیز  تیرافیک      

میللتین  قوورا  چکیرعمرونه  تورموز دنده

بعضی راننده لرین  ذره جه  یوخ    اینصافی     

گوروسن   یوز  سوره تیلن   تپیلیر  در بنده

نه کی دوسلوقلارینین واردی عمللی  داوامی      

نئجه بیرده ن اولوری دوست اوتوروربیرده نده

یاشاسین کتده کی دوستوم حاج علی اشرفی نی

بیر  کسرلی    قلمی  وار سسی  تک   کوبنده

آی منیم  قارداشیم آی اولکه میزین تاج سری 

نه   یازیم   من   اولا    شانینده  سنین زیبنده

سن کی شرمنده ائدیرسن بو قه ده ر دوسلارینی

گوروم   آللاه   ائله سین    دوشمانینی   شرمنده

بو  نئچه   یوز  پارا کتده سنه تای یوخدو یازان

دئمه گ  اولماز   نیه   کی  هر  بیله نه    داننده

توکولر  قطعه - قصیده   یئره  تور توز یئرینه

گئجه  یورقون   قلمون     پالتارینی    سیلکنده

بو گوزه ل شئعری لری بس نیه چاپ ایله میسیز

غیضی ده نده   گیلییم   واردی    منیم  سنده نده

چوخ سوزوم وارسیزه سوزده ن گئچیره م عفوائلیین

رشته ی  مطلبی    یو خسا   ایتیره ر   خواننده

هامیمیز   بیر   اویونون  اوینایانی  بللی  ده ییر     

کیم    برنده    اولاجاقدیر   هله   کیم    بازنده

من سنه  بورت  قویورام  سن منه دوراندا بیزه 

آی  کول  اولسون  بو  ده به بو رویشه بو فنده

ظاهیری  امره  باخیرسان  نه گوزه لدیر آرامیز     

نه  منیم  سنده  گوزوم  وار  نه   سنوندا  منده

آمما  گیزلینده  منیم  بهره مه  گوز  زیلله  میسن     

  نئجه  سهم   آختاریرام   منده   سنین   بهره نده

ال له شیر باسدیرا هی تیخدی او زهری ماری  

وورور  آمما  اشیگه  پیس  ایی سی  گئره نده

دوز یولا خشله مه گه تک قیرانون یوخدو سنین      

ایری  یولدا  گئنه بول  پول وئریره م من گونده

گلون      ایشلرده  اولاق( خیر الامور او سطها )   

نه او  دارلیقدا  قشه دیر  نه ده  کی  بو   گئنده

هر کسه  اوز ایشی  محشرده شیکایت ائده جک  

قاضی ده ن یازدیغی احکامی شاطیردان کونده

جانا  گلدیم  بو  پل  کابلی  دئمه گده ن نه اولار 

ایر پالیقدان  سوز  آچاق ختم ائلییه گ اورکنده

زلفعلی نین  من   اوزوم  یازمیشام  احوالاتین   

آوارا    گور   دولانیر  ایندی  ده   راه آهن ده

اونا  لاغ  ایلدیم  اولدوم اوزوم  اوندان  دا بتر   

( بیرینه    گولمه  گلراوز  باشینا )     عیننده

قویماییر  تر په نم  اصلن  بو   آمانسیز  گونلر    

بوینوما    زنجیر    اولوبدور   آیاغیمدا  کونده

ایندی    کتلرده   گومان ایله مه    یوخ ایمکانات 

  بولدوزر  وار  گیرادر   واردی   لودر پی کنده

ایندی کومباین ده ریب  طی لیری  دننن  سامانی   

 نیازی  یوخد و  داها   وه ل  سوره سن  خرمنده

دای اوخیرخیملی دو شکلرده ن اثریوخ دوشه نیب

تختخوابلارکی   وار اوستونده     نئچه    کوسنده

واردی   دوربین   مداربسته     بوگون    کتلر ده    

ایلییه ر  باغدان    ائوه   عشقعلی     پخش  زنده

ایندی  نه  شلته تومان واردی  نه انلیک کیریشان  

ایندی  ویدانی   به یه نمیر  آلا   گوز    رخشنده

اولاغا  یوک  داشیدان یوخدی خره ک خورجوندا  

قبله لی   ایندی   گئد یر   داغ    باشینا     پاز نده

کندیمیزده ن  نه یازیم  من  سیزه  کئفله نمییه سیز 

بیر  صفالی  هاواسی  وار  تایی  یوخ   لنده  نده

وار سه نه ح لر کی سویی تصفیه ایله ر دورودار  

او  سرینلیده   سویی    تاپماق   اولار   کو لمنده!

بیز  اینانمیشدیق   اوشاقلیقدا  ایلان  چالماز اونی    

ایلانین  کیم  قابیغین  گیزله ده  اوز   بور کونده

بو بیلیرسن یتیریر هئچ نئی صاف ساده لی یی 

اوصداقت   کی   گئدیر  کم  کم  اولا   شرمنده

اوندا طویلاردااولاردی بیرعاشیق بیر درویش

ایندی ماششالاه اولوب هر  یئتیشه ن  خواننده 

ایندی هر دیقه من  اول گونلره حسرت یییره م  

 ائله گونلره کی گوره نمز گوزوموز عمره نده      

آختاریب  هی  تاپیرام   منده    اوشاقلیقلاریمی   

بیر مثل   واردی   کی  جوینده    اولار  یابنده

ایندی بیرزادکی بویون واردی صاباح اولمایاجاق

چوخ زادی گورمه دییم فرض ائت ایه ر گورسنده

چوخ زامان چکمه زاولارکنده شهرده ن داشینان  

بو  سوزومنده ن   ائشیت   ثابیت   ائده ر  آینده

شعر: شهودی تبریز14/2/88

سوزلوک

بولابول: چوخ

قله مه: آغ رنگده نازیک اوزون آغاج

کوهرا: گوی رنگیده یوغون آغاج

قوورا: سومبادا. سوهان

تپیلمه گ: بیرده ن بیره بیر یئره گیر مه گ

پارا: قسمت .بولوم

گیزلین:باسدیریلی. پنهانی

زیلله مگ: توم باخماق چشم دوختن

تیخماق: یئمه گ. زهه ر لنمگ

گئیرمه گ: آروغ کشیدن

گئن :انلی .  گشاد

کونده: خمیر یوموروسو. چانه

ایر پالیق .اورکه ن :ایپ آدیدیلارخلورچاتاندااولاغا ایشله نر

آوارا گور: سفیل سرگردان

لاغ: سریمه گ

کونده: بیر بند آدی دیرزیندانین  آیاغینا باغلارلار

وه ل: هولا . خرمنکوب

خیرخیم: قیرخیم. فرشین اوزده ن قیرخیلان خامالاری

کوسه ن: مبل اوستونده کی خیردا بالیش

شلته تومان : قدیم قادین لارین بزه لی اوست گئییمی

انلیک کیریشان: قادین لارین قدیم به زه مه گ وسایلی

خره ک: دمیرده ن دوزه لن قاب داش داشیماق اوچون

خورجون: بویلوقدان توخونموش شی شور قابی آت اولاغ اوستونده

سه نه ح: کوزه . بیزه ح

کولمه ن: سو قابی

Sms

بیلمیره م   گلدی   بیزیم  اولکویه    هاردان Sms

هی  وورور  بیر بیرینه  گونده  قیز اوغلان Sms 

یوز گیره م گوشی یه باخ گورنه اویوندان چیخیری

منه  بو   آی دا   گلیب    نم  نئچه    باتمان Sms    

منی ( مرجان ) ده ييشيگ سالمیشیدی  (پژمانیلان)

بیر ساعات گئچمه دی ووردی منه دوخسان Sms 

هانسی  مسئول  کی قویور آزجا( بارا) فوری صاباح 

دالیسیجان   یاییلیر     اللی   بئش   عنوان  Sms  

شکی شوبهه  گوتوروبدور منی گاهدان   دئییره م

ووروری     اولما    مسلمانلارا      شیطان Sms

(اوره گیم سنده ن اوتوربیرتیکه دیرجان  بسره م)

بونی (سولطان علی) یه یوللادی )سولطان) Sms

(گه لیسن ! یا اوزومو  دامدان  آتیم    کرمه لیگه(

بونی دا  ( شاه صنمه )  یوللادی(  سلمان)  Sms

بیر  نفر  وار   تانیرام  اه  ده د و و نجه    یانا سان

آد  قویوب   هاممی   اونا  شهریده  (لینچان) Sms

ایشی   داییم   Smsدیر    گو جو    داییم mms ) )

هی   یازیر   خلقه   سحر  آخشام   اوباشدان Sms

وئرقینون وورسین اه ده بسدی داغیلسین  توفاغون

گوروم (ms )توتا سان  هی   داغیدیر سان   Sms

خبریم  واردی  وئریب   چوخلارین  آخیر  گودازا

خبریم واردی  ائدیب   چوخ  ائوی   ویران Sms

****

ایندی  بیر ( ره لی)  سی میدانه گلیبدیر کی اونا

اللری   سینه ده   سویلر  ( بلی قوربان)  Sms

اونا  (خط) اهلی دییر ائل ده( دمیر)خان (بولوتوث)

اکیلر گورجه ک  اونی (جین) کیمی دالدان Sms

*****

دوتدی هرکیم  سنی   آتدی (صله یه   ارحامی)

یئره   گلسین گوروم آخیرسنین آرخان  Sms

بورخولیدی توپوغون کاش سه ریلیدین یئره سن

کاش سینیدی یئخیلان یئرده قابیر قان Sms

یوخ غلط سویلدیم اصلن گوناهین یوخدی سنین

کوسمه  منده ن   یوزونی  ایلمه پنهان  Sms

اوز یئرینده سنی ایشله تمه یی اورگه شمه میشیک

اولموشوق ایندی آیاقدان باشا پشمان     Sms

گره ک (الگوی مصاریف لری اصلاح) الییه ک

یوخسا قاللیق دالی بو دهریده هر آن   Sms

هر شئیین بیز( شورون) اوولده چیخاردیب یی یه ریک

گلمیشیک( پیس بارا) بیز میللتی ایران Sms

سولطان: اسم زن است

کرمه لیگ: محلی در روستاکه فضولات دامی را در آنجا می ریزند

                                           شعر:شهودی2/1/88        

كوله دايچا

آ ز قويروقيني  يان  دوتوب  اوينات  كوله دايچا

تئز دير  اولاسان  سن  هله  بير  آت كوله دايچا

تئزدير  هله سن كيشنه يه سن داغدا قير آت تك

گئت   سن   باشيني   اويناماغا قات  كوله دايچا

ده لمه  ته ليسي   چينه مه  بندي  سيچان اولما

آز   كندي لره   فضله     ديغيرلات    كوله دايچا

بیل  چینقاماغین1  کونده مینی  اولما نا کونده م

یول  یونده مینه ن  آتدیمینی   آت   کوله دایچا

چیلپاقسان   اودونلوقدا   آماندیر   لیوه له  نمه 2

اود دوتسا دونه ر نکوارین اون قات کوله3-دایچا

اوزگه  خه شه سینده ن 4 خه شه نی 5  باسما  آماندی

قورخ تونجونا چیخسین ده لی بات بات6 کوله دایچا

تئزدیر   سنه  آی چیخماق همین اویناغا گلمک

گئت سن هله خر پوشته7 ده گیر یات کوله دایچا

جیرساندا ائله جیر کی گوتورسون یاماق آنجاق

آز   گه ل   اوزونی  اوزگه نی  آللات کوله دایچا

بو چولده چالیش چیخماگیلان اوز جیزیغیندان

باخ بیر بویونا صونرا غلط دارت کوله دایچا

دوزدور ده ره خلوتدير  اولوب تولكي بئي ايندي

دوزدور گوتوروب حق دوواري چات كوله دايچا

دوزدور   ائله  سوزلر  دئييري   بعضي  آداملار

اينسان  قاليري   نم نئچه گون مات كوله دايچا

دوزدور  داها  بو يئرده   قوروقلار  پوزولوبدور

ميدان دار  اولوبدور  نئچه  لوت لات كوله دايچا

آمما  او   قه ده رده   آوارا   قالما ميشيق    كي

گلسين بيزه اولسون نئچه گون آت – كوله دايچا

شهودي تبريز3/1/88

1-چینقاماق: آتین آتیلماقی 2-لیوه له نمه گ: گیره له نمه گ .سفیل سرگردان دولانماق 3-خه شه لیگ :خه شه بیر نوع اوت علف آددیدیر گینه و یونجایا اوخشار خشه نین بیتن یئرینه خه شه لیگ دئیرلر4- خه شه نی باسماق : آشقاری باسماق .قارنی ئییم له ییب دولدورماق .قارین دولوسی یئماق6- ده لی بات بات یا ده لی بات باتی:بیر نوع ککریه اوخشار آجی اوت علفدیریئماقی اینسانی و حیوانی گیجه للندیره ر7-خرپوشته :طوله .په یه بو فرقینن کی خر پوشته نین سقفین تاق وورارلار

نه قه ده ر وار گوجوموز زور  وئریریک انگیمیزه

بیر نفر    یوخدی   اوره گ   یاندیرا  فرهنگیمیزه

*****

بیر  نفر  یوخدی اوره گده ن  گیریشه  چیر  مالانا

سر  و  سامان   وئره  بو   اورتادا    ویلان قالانا

بو  یازیق   بلکه  اونون   کولگه  سینه   دالدالانا

یوخسا  گئتسه  بئله  گونده ن گونه جانسیزلایاجاق

دونجکدیر   چوپه    معتاد کیمی    قانسیز  لایاجاق

*****

نه   گلیبدیر   بیزه   هی   رنگ   آتیر  ارزیشلریمیز

برکیده ن  یوخ  گونی  گونده ن  بوشالیر  پیشلریمیز

بیلمیریک   گولمه  لی    دیر   آغلامالی   ایشلریمیز

کیم   گئچیر  ایش  باشینا  ایشله  ییر  اوول  جیبینه

نه   اولار   تاپشیرالار   بیر  ایشی  ایش  صاحیبینه

*****

باخیریق  ظاهیره  یئل  تک اسیب اوزده ن گئچیریک

یالانا  چاتماق  اوئچون  نم  نئچه دوزده ن گئچیریک

بیر آریق توخلودان اوتری بئش اوکوزده ن گئچیریک

گئچه   گئچدیر   ائله ها !!!  میننتی یوخدور گئچه نه

گل گینن  سنده  گئچ  آز  ناز ائله چوخ وورما چه نه

*****

گئچیریک   ساده  اوشی  ده ن  کی  چتین گلمیش اله

اله   بیر   شی   کی   ماحالدیر   داها   گلسین  عمله

باب  اولوب  هر  شی  ییمیز  سنده گه سویله ها بئله

داها  سس  سالما  سسین چوخلاری بد خواب ائله ییر

ایندی    اوضاع    زمانه    بئله   ایجاب     ائله   ییر

*****

سنده  شاعیر  بو قه  ده ر  وئرمه  گینن  گیر گوده گل

بعضی  یئرده  شول  اوتور چکمه   گینن  تیر  گوده گل

چون   کی   اوضاع    زمانه   بئله   ایستیر  گوده  گل

ایشین    آختار   آخارین   تاپ   باشینی   سال  آشاغا

دییره م  من  یئنه : چوخ  ایشلره  باش  قوشما  آغا!!!

شعر: شهودی تبریز24/11/87

چوخ شوكور چوخ چوخ ماشاللا آي خان اوغلان چوخ موبارك

بير تازا پوستا يتيشدين اولدون  اينسان چوخ موبارك

سابقابير شي دئيردين ديمه زيدين بئش قيرانه

ايندي آز قيمت له نيب سن اولموسان خان چوخ موبارك

ايندي سنده ن چوخ بعيدي بعضي ايشلر بعضي سوزلر

يونگول اولما گل چوخ ايشده بلكه باتمان چوخ موبارك

تفرقه سال ائت رئيس ليه چوخلارين عزل ائت ازيشدير

قوي دئسين گئنده ن باخانلار دوپ دو غوردان چوخ موبارك

گل چيخاتما داي خان اوغلان اهل ايمانين اداسين

سنده اولدون اهل غيبت اهل بوهتان چوخ موبارك

دالدادا بير سوز دئيرسن اوزده بير سوزباشدا بير سوز

گونده مين جيلده دو شور سن آخ نه آسان چوخ موبارك

گورنه چال ها چاپ سالیبسان چالدیریرسان چاپدیریرسان

اویناییرسان اوینادیرسان دیم دارام دان چوخ موبارک

خودکاروندا وار نه قودرت بنذه ییر برق سه فازه

هر کیمی توتسا بوراخمیر ایله ییر قان چوخ موبارک

قودرتون بیرده ن چوخالدی ایپ ائشیرسن ایپ قیریرسان

بورج آلیرسان بوش وئریر سن بوشلاییرسان چوخ موبارک

بیر دریدون بیر سوموگ سن (خاملیقا) بیرده ن تپیلدین

اوتلاییب اتلیه کیمی باسدی قوورمان چوخ موبارک

بیرزامان دوز یئرده حتی دوز دورانمازدین آشاردین

ایندی دیه یئرده دورورسان آلچی توخان چوخ موبارک

قوز بالا قوز اولوبسان چوخ بئله مرموز اولوبسان

هم دوگانه سوز اولوبسان میثل پیکان چوخ موبارک

بیر سیریخ بیت المالا چک سونرا اوستونده ن مالا چک

چک ساغا چک چک سولا چک چک چک ایجان چوخ موبارک

***

گئت گئده گئت وئرمه چوخ پوزباخما چوخ اطرافه بوز بوز

سابق اینسانیدون اولدون ایندی حیوان چوخ موبارک

هرنه پو..اولساندا آخر سن همان ایش....سن ایش...

طوله ده موشقار یییه ن سن یوخدی نوخدان چوخ موبارک

شعر شهودی11/7/87 تبریز

بی خیال اول

چوخ خیالاتی   اولوبسان   آقاجان   بی خیال اول

سیچرییار  مغزووا بیرده ن بیره قان بی خیال اول

هئچ بیلیرسن کی ضرردیر سنه باشدان دیبه جن

بابا چوخ حیص یئمه بیر لحظه دایان بی خیال اول

دئمه گورد گلدی آیی گئتدی نه اولدی نه طه هر

نم ماحالدیر  بو آدام    یاندیرا    جان بی خیال اول

آی فیلان کس یئدی ایچدی داغیدیب سیخمالادی

بیر  دیین  یوخدی   فیلا ن ابن فیلان بی خیال اول

کیم گئچیر ایش باشیناآی نم   اولور اوز باشینا

قوی قالا ایش باشینا سالما جیغان     بی خیال اول

سنه نه   میندی  تویوق   قیمتی جیران   بئلینه

سن خوروز واردی خوروز لانماگیلان  بی خیال اول

گوروسن  چاپمادادیر  هر گلن   اوز دایچاسینی

سنده چاپ بیر قمیشی  چال بالا بان      بی خیال اول

دنیانی   بولسه لر   آخیر     سنه بیر بلله چاتار

نیه   هی   آختاریسان   یاغلی    یاوان بی خیال اول

بیر زامان   آییلیق   آلیب شوقیلا گئتسون گجیله

پو لووا    وئرمه سه لر  شلته تو مان  بی خیال اول

نه خبر دیر   گئدیسن   یوز    سو ره تیلن   جادانی

بو    قه در  باسما گازا آز جا یوبان    بی خیال اول

نه قه در دیل یاراسی وئرسادا سن قوی وئرسین

چیخاجاقدیر  دیلینین   اوسته    چیبان  بی خیال اول

دئسه لر   دالدادا  پیسلیر   سنی او جان جییه رون

دئه    جاوابیندا   دیل   آلتیندا   آهان    بی خیال اول

قوی دئسین لر سنه آز بیلمیش آدام      خیرووادی

گورمه سن    بیر   بئله  سوداده زیان  بی خیال اول

هاردا گوردو ن دئدیلر دینمه گیلان کس سسووی

دیلوی   قارنووا    قوی   ائتمه فغان   بی خیال اول

دئسه لر   یو خدو  تورم  دئسه لر  یو خدی بکار

باشووی  سال  آشا غا    سنده   اینان بی خیال اول

دئسه لر   اوت   داها  یاندیر مییاجاقدیر    آدامی

سن  کاسیبلیق   اوتونا  هر گئجه یان بی خیال اول

بو مینه مینده   بیری توتسا    غفیلده ن   یاخاوی

سنی   مرکب     ایلیب   قویسا  پالان بی خیال اول

توشسه   احیانا   اداراته   سنون بیر گون ایشون

دئسه    آبدارچی   سنه  بوللی یامان بی خیال اول

دئسه گئت یئرمی بئش آیدان سورا گل آل جاوابی

اوتوز  آیدان  سورا گئت گورمه نشان بی خیال اول

دئسه لر یاز یئری یاز  پوز یئری پوزجیز یئری جیز

دورما قوی گئت !!یئری گئت -گئتمه!! دایان بی خیال اول

شعر شهودی تبریز26/2/87

یوخ بابا

ایلمه   چوخ   وردی   زبان  !!!  یوخ بابا       چئو ریله جک  دور   زمان   !!!   یوخ بابا

خود  بخود  ایشلر  دو شه  جه  کدیر یولا       او لمویاجاخ   پارتا   باخان   !!!   یوخ بابا

آیدا  بی (ر)      میلیون  آلاجاخ    کارمند       کئف چه گه جکدیر نه یامان  !!!   یوخ بابا

قیمتی    مسکن    سینا جا قد یر   یا مان        ائو   آلا جا  قد یر    بالا خان  !!!  یوخ بابا

سو یله   خانا  با کرا    اولان  (   ممده )      غم   یئمه   قورتولدی   یاخان !!!   یوخ بابا

اوچ  قیرانا   خلق  آلاجا ق  بیر   ( پتی )       فرش اولاجاق یئرمی قیران    !!!   یوخ بابا

هر نه   د ئسون   آروادا   حتی     یامان       سویلو یه جه کدیر سنه جان  !!!    یوخ بابا

قورد اولاجاقدیر سوری قو للو  قچی سی      سئو مو یه جه ک داغدا دو مان !!! یوخ بابا

بیر  گون  اولا جا خدی  فیریلداخ   رئیس      چا لمیا  جا قد یر    بالا  بان    !!!   یوخ بابا

میزی   ریاست   د ا لیسین  ترک   ائدیب       هی   آتا جاق  خدمته   جان    !!!   یوخ بابا

ترک  ائده جه  ک دیر  هامی  تشر یفاتی      قوو مویاجاخ   یاغلی   یاوان   !!!   یوخ بابا

چاپمییا جا قد یر  زورو نا  هئچ     وکیل      چکمییه  جک  خط   و   نشان  !!!   یوخ بابا

گونده   بی (ر) مد  گلمییه  جک   تبریزه    جورره نه جک آبی رسان       !!!    یوخ بابا

ایش   چه که جه  ک  ایشلیینین    منتین     ایش تا پاجاق  پیر و جوان      !!!    یوخ بابا

قا لمییا جا قد یر  جا ها زین       قید ینه     اللری    قوینوندا     قالان       !!!     یوخ بابا

اوز قوروغون ایسته سه پوزسون بیری      یاندیراجاخدیر یاتاغان            !!!    یوخ بابا

دوز گونی گونده ن چوخالیب   آرتا جاخ      جوت قات اولا جاخدی یالان    !!!     یوخ بابا

ایسته  سه  هر  کیم  ته په   بیت المالی      فرق ائله مه ز گیزلی عیان      !!!     یوخ بابا

تئز  چیخا جا قد یر دیلینین   اوستو  نه      یاخچی ایرابتلی چیبان            !!!     یوخ بابا

من  بابا  بیر  سوز  د ئدیم    آللانما ها        دوز سوز اولوب ایندی چاخان  !!!   یوخ بابا

شعر : شهودی تبریز11/2/87

او   دختر  ناز من ( مهنا ) ست